Sero Net
Mapio gweithgareddau caffael cynaliadwy ar draws y Sector Cyhoeddus yng Nghymru.
Mae is-grŵp caffael Panel Strategaeth Hinsawdd yr ALl (a sefydlwyd gan CLlLC) wedi nodi risgiau i’r sector cyhoeddus yng Nghymru o ran cyflawni amcanion Sero Net, oherwydd diffyg ymwybyddiaeth o’r offer sydd ar gael a’r posibilrwydd o ddyblygu gwaith.
Mae'r dudalen hon yn rhannu gwybodaeth am y gweithgareddau cyfredol ar draws y sector, ac yn anelu at eich helpu yn eich gwaith. Os oes gennych unrhyw offer neu arferion gwaith a allai helpu eraill a'ch bod yn hapus i'w rhannu, anfonwch nhw at cyfathrebu@cyd.cymru i'w hychwanegu yma.
Cyngor Dinas Casnewydd
Disgrifiad o Gynlluniau'r Cyngor
Er mwyn gwireddu’r uchelgais Sero, Net mae Cyngor Dinas Casnewydd wedi datblygu’r mentrau, yr offer, a’r cymorth canlynol:
Mae tîm Net Zero Casnewydd yn gweithio gyda phartneriaid yn y sector preifat i'w helpu i ddeall a lleihau eu hallyriadau a'u heffeithiau ar yr hinsawdd, trwy baratoi llinellau sylfaen a strategaethau a thargedau i gyflawni Sero Net. Maent yn gweithio gyda'u cyflenwyr i adolygu polisïau a chynlluniau busnes er mwyn cyflymu'r cyfnod pontio.
Mae Cyngor Dinas Casnewydd wedi datblygu Cyfrifiannell Ôl Troed Carbon hawdd ei ddefnyddio ar gyfer cadwyni cyflenwi, sydd bellach wedi’i fabwysiadu gan gynghorau eraill.councils.
Manylion Cyswllt
Os hoffech wybod mwy, cysylltwch â'r tîm: netzero@newport.gov.uk
Cyngor Dinas Casnewydd
Canolfan Ddinesig, Casnewydd
De Cymru, NP20 4UR
Adnoddau
Cynghorau Sir Ddinbych a Sir y Fflint
Disgrifiad o Gynlluniau'r Cyngor
Er mwyn gwireddu uchelgais Sero Net, mae Cyngor Sir Ddinbych a Chyngor Sir y Fflint wedi mabwysiadu offer sydd ar gael i bob awdurdod lleol a ddatblygwyd gan Gymdeithas Llywodraeth Leol Cymru a chynghorau eraill. Yn ogystal â hyn, mae’r cyngor wedi datblygu:
- Canllaw un dudalen ar ddefnyddio’r Daenlen Adrodd ar Allyriadau Carbon sy’n rhoi trosolwg hawdd ei ddeall i ddefnyddwyr y daenlen o’r hyn sydd ei angen.
- Mae Cyngor Sir y Fflint wedi sefydlu Grant Lleihau Carbon ar gyfer busnesau lleol, i gefnogi’r gwaith o greu Cynllun Lleihau Carbon.
- Mae’r cynghorau wedi llunio pecyn yn manylu ar y cymorth sydd ar gael i Gynghorau Sir Ddinbych a Sir y Fflint, yn ogystal â’r cymorth sydd ar gael ledled y DU (gweler 'Datgarboneiddio’r Gadwyn Gyflenwi’).
Manylion Cyswllt
Os hoffech wybod mwy, cysylltwch â’r timau yn:
climatechange@denbighshire.gov.uk
climatechange@flintshire.gov.uk
Cyngor Sir Ddinbych
Blwch Post 62
Ruthin LL15 9AZ
Cyngor Sir y Fflint
Neuadd y Sir, Yr Wyddgrug
Sir y Fflint CH7 6NB
Adnoddau
Cyngor Sir Powys
Disgrifiad o Gynlluniau'r Cyngor
Er mwyn gwireddu’r uchelgais Sero Net, mae Cyngor Sir Powys wedi datblygu’r mentrau, offer, a chymorth canlynol:
Offeryn gyda chronfa o gwestiynau yn ymwneud ag asesiadau risg cynaliadwy a phecyn cymorth caffael cynaliadwy CLlLC ar gyfer tendrwyr bach, canolig a mawr. Mae'r pecyn cymorth yn cefnogi tendrwyr i gwblhau asesiadau perthnasol a darparu gwybodaeth yn ymwneud ag allyriadau CO2e.
Porth Cynaliadwyedd Cadwyn Gyflenwi, a ddyluniwyd yn wreiddiol i gefnogi darparwyr gofal cymdeithasol ym Mhowys gyda’u cynlluniau cynaliadwyedd a lleihau carbon, a fydd yn cael ei ehangu i bob cyflenwr o fewn 2025.
Sefydlu rhwydwaith gwyrdd gwirfoddol o gynghorwyr ac uwch aelodau o staff i fynd i’r afael â Net Zero erbyn 2030, drwy gamau cynyddrannol yn edrych ar gyllidebau a lleihau costau; llywodraethu; gwelliannau natur, a mesurau ystyrlon eraill.
Manylion Cyswllt
Os hoffech gwybod mwy, cysylltwch â'r tîm ym Mhowys: commercialservices@powys.gov.uk
Gwasanaethau Cwsmeriaid, Neuadd y Sir
Spa Road East, Llandrindod
Powys, LD1 5LG
Adnoddau
Cyngor Bro Morgannwg
Disgrifiad o Gynlluniau'r Cyngor
The Vale of Glamorgan Council’s procurement team operate in a decentralised way, which brings its own challenges to achieving Net Zero. To overcome some of these challenges, the council has developed an idea of an AI that can support questions on Net Zero and decarbonisation. This tool is called ‘Green Guru’ and is currently in development by Cardiff University.
Adnoddau Sero Net
Manylion Cyswllt
Os hoffech mwy o wybodaeth, cysylltwch â thîm Bro Morgannwg: procurement@valeofglamorgan.gov.uk
Cyngor Bro Morgannwg
Swyddfeydd Dinesig, Heol Holton
Y Barri, CF63 4RU
Cyngor Gwynedd
Disgrifiad o Gynlluniau'r Cyngor
Mae gan Gyngor Gwynedd nifer o fentrau sy'n cefnogi Sero Net ym maes caffael.
Mae'r cyngor wedi sefydlu Bwrdd Hinsawdd a Natur ac wedi datblygu Cylch Gorchwyl ar gyfer y bwrdd. Mae aelodaeth y bwrdd yn cynnwys ymgynghorydd caffael ac yn cynnig arweiniad strategol i Gabinet Cyngor Gwynedd ar feysydd newid hinsawdd a natur, gan gynnwys canllawiau yn ymwneud â chaffael. Am Gylch Gorchwyl manwl, gweler y ddogfen atodedig isod.
Mae'r cyngor wedi datblygu cwestiynau enghreifftiol yn ymwneud â Sero Net i'w cynnwys mewn tendrau, ac ar hyn o bryd mae'n datblygu dogfen ganllaw i brynwyr ar gynnwys ystyriaethau Sero Net yn y broses dendro. Treialwyd nifer o'r cwestiynau hyn ar gyfer contractau cludiant ysgol a dyrannwyd 20% o gyfanswm sgôr y tendr iddynt. Mae'r cyngor ar hyn o bryd yn y broses o ddatblygu arweiniad pellach i brynwyr a bydd ar gael yma pan fydd yn barod.
Manylion Cyswllt
Os hoffech gwybod mwy, cysylltwch â thîm Gwynedd: caffael@gwynedd.llyw.cymru
Cyngor Gwynedd,
Stryd y Jêl,
Caernarfon, LL55 1SH
Adnoddau
Busnes Cymru
Disgrifiad
Mae Busnes Cymru yn darparu arweiniad a chymorth i fusnesau Cymru i’w helpu i gyflawni eu huchelgais gwyrdd.
Am ragor o wybodaeth ewch i https://businesswales.gov.wales/topics-and-guidance/sustainability-and-social-responsibility/resource-efficiency/green-ambition